Allakkat

Kiserliortarnera

Ukioq kingulleq inuunera ajunngitsumik ingerlagaluarpoq kisianni nunannut utertussaasunga paasigakku kammakka kalerrikkakkit avissaartuuppugut. Maannga uteqqikkama Inuit allannguataarsimasut. Maani ataatsimik kammaqaraluarpunga kisianni taanna allanik kammaqarami soorunami qatsuttarpaanga kamaattarpugut qanigerpiarunnaarlutalu. Massakkut kisimiittaqattaarpunga angajoqqaakka kisimik oqaluuttarpakka uanga nunannullu utersinnaananga maangami atuariartorama. Atuarnera ingerlanniarsaraara kisianni kiserliortorujussuuvunga maaniinneralu nuannarinagu.

Niviarsiaraq, 15-nik

Allanit akissutit takukkit

Meeqqat

Nutaamut nuulluni suna tamaat allanngoriasaartoq sungiukkuminaaqqaarsinnaavoq. Paasinarpoq nuanniigeqqaarit kiserliornaralugulu.❤️
Nuannersut isiginialeraangatsigit nuannersut putsussuunnerusarput. Iluaqutigisartagara misilissinnaavat.❤️
Malugigaangakku negativimik eqqarsaat arlaat takkuttoq, positivinik eqqarsaatinik pingasunik eqqarsartarluni.❤️
Soorlu assersuutigalugu negativeq ataaseq: maaniilluni nuanniik.
Taava positivinik pingasunik nassaarluni maaniinnerma suut nuannequtigivai?
Immaqa soorlu:
1. Maani nutaanik kammalaatitaarnissannut periarfissaqarpunga
2. Nuna kusanartoq periarfissaqarluartorlu
3. Maani nunami nuannisarnissannut misigisassarsiornissannullu periarfissaqarpunga
Eqqaamassavat aamma illiuinnarnissat illiunernullu nuannarinnittunik kammalaatitaassaqqaartutit upperivara.❤️
Neriuppunga siunnersuutikka iluaqutigilaarsinnaagitit, nalunngilara nutaamut nooqqaarluni sungiukkuminaaqqaarsinnaasartoq kisianni nuannersisarpoq sapinngilatit❤️

M, Pige, 16 år
02.07.2024

Ilumut atornarsimasinnaavoq taamatut kisimiilluni misigimalluni. Sumiiffimmut suna tamaat allanngorsimasumut uteqqinneq artornartaqaaq.

Ilaatigut iluaqutaasinnaasoq tassaavoq qanoq misigisimanerit pillugu angajoqqaannut ammasumik oqaluttuarnissaq. Taakku ilisarisimalluinnarpaatsit aammalu sapinngisamik tapersersuiniarsarisarput. Oqaloqatigiinnerup aallartinnissaa ajornakusoorsinnaagaluartoq, misigissutsitit taakkununnga oqaluttuarigukkit annertoorujussuarmik eqqissinerutitsisinnaavoq. Imaassinnaavoq siunnersuuteqarluarsinnaasut imaluunniit tusarnaarsinnaallutik, tamannalu annertuumik sunniuteqarsinnaavoq.

Oqaatsit eqqortut nassaarinissaat ajornakusoorpat, immaqa angajoqqaannut allakkamik allassinnaavutit qanoq misigisimanerit nassuiarlugu. Ilaatigut toqqaannartumik oqalunnermit allanniarneq ajornannginnerusinnaavoq.

Neriuppunga angajoqqaannut ammarnissamut nukissaq nassaarisinnaagit. Piffissami tassani tapersersorneqarneq ilumut sunniuteqarsinnaavoq.

Anonymous, Dreng, 17 år
02.07.2024

Allakkap akineqarnissaa periarfissaajunnaareerpoq. Meeqqat allat ikiorusukkukkit, taava una tooruk una tooruk

Kiserliortarnera

Meeqqat

Ikioqatigiitta

lad os hjælpe hinanden

SIANERFISSAQ

Ring

SMS

SMS