Akuerinnginneq

Hej angut 21-inik ukiulik.
Qujanaq allagarnut. Paasilluarsinnaavatsigillu marloqiusaasutut misigiguit. Assut pikkoripputit, nammineerlutit pissuseq taanna eqqortuunngitsoq takusinnaallugulu malugisinnaagakku, aammalu qaangeerusullutit ikiortikkusullutillu saaffiginnikkavit nukittuvutit.
Allapputit allorfimmut saaffiginnissimagaluarlutit, allorfik aanngajaarniutinik pinngitsuuisinnaajunnaarnermik katsorsaaviuvoq, naluarpullu illit pinngitsuuisinnaajunnaarnermik atugaqarnersutit. Innersuukkusuppatsigillu Alliaq attavigissagit, normoqarpoq: 801199. Alliaq timikkut tarnikkullu nakuusernermik oqaloqatiginnittarfiuvoq, Alliamut sianeruit immersuunneqassaatit kingorna oqaloqatiginninnissamullu periarfissamik tunineqassallutit. Aammalu eqqaamassavat Tusaannga attavigiuaannarsinnaagakku, tunuarsimaassanngilatit ikiorusullutit maaniippugut. Ulloq unnuarlu ammasarpugut.
Inussiarnersumik Tusaannga