Hej uanga angajoqqaakka qulingiluanik ukioqarlunga avinnikuupput uannullu kingunerluutseqarujusuarsimavoq. Kamaaterujussuartarnikuupput taamaatoqarneralu soorunami aamma atuarfimmut kingunerlutsitsinikuulluni, anaananni najugaqarnikuuvunga aqqanilinnillu ukioqarlunga nuullunga ataatannut. Siullermik sapaatsip akunnikkaarlugit anaanamiittarnikuuvunga ataatamilu, siullermik ilaqutariiaraalluta ataatsimoortarnerput maqaasisarnikooqaara. Massakkut ukiut sisamat qaangiupput aliasuttarnikka akuttornikuupput kisianni soorunami ilaanni aliasorujussuarsinnaasarpunga. Taamak aqqusaagaqarnikuuninnut misigisimasaqaanga kisimiittutut kisima taamak aqqusaagaqarnikuusutut misigisarlunga.
Angajoqqaat avittarneri/qimattarneri
Brev
Niviarsiaraq, 14-nik
Ikioqatigiittami malittarisassat
1
Imminut paarilluarit – paasissutissanik ilinnut tunngasunik allaqinak
Ukuusinnaapput: ateq, kinguliaq, ateruseq (ulluinnarni taaguutigisaq), oqarasuaatip normua, inuttut attaveqaatinut linki, e-mail il.il. (Allaffissami emailit allassinnaavat, allakkannut akissuteqartoqartillugu nalunaarfiginneqartarnissat kissaatigigukku. Allaffissami tassaniittut isertugaapput, uagullu e-mailit takusinnaanngilarput.)
Maluginiaruk allatanni paasissutissat ilinnut tunngasinnaasut amerlavallaat ilanngutissannginnakkit, tassuunakkut kinaanerit paasineqaqqunagu.
”Immitsinnut ikioqatigiitta” inuttut ataasiakkaatut attaveqatigiiffiunngilaq, assersuutigalugu naapeqatigiinnissamik isumaqatigiiffiusinnaanngilaq – toqqartumik naapinniarnermi imalluunniit inuttut attaveqaatikkut naaperiaaffiunngimmat.
2
Ilissinnut paareqatigiigitsi
”Immitsinnut ikioqatigiitta” nuannersuullunilu toqqissisimanartuussaaq. Internetikkut allataqaraanni ilaanni puigoqqajaanarsinnaavoq, allatat inunnut allanut atuartussanut sakkortusinnaammata – naak tamanna immaqa siunertaanngikkaluartorluunniit.
Pingaartuuvoq:
– Kusanartunik imminullu ataqqilluni allaqatigiinnissaq
– Naveersinnginnissaq, quiassuaatiginninginnissaq, qunusaarinnginnissaq il.il.
– Allakkat atuartussamit allatut paasineqarsinnaaneri ajuallaatigineqarsinnaanerilu eqqarsaatigilluarnissaat
– Nittartakkanut allanut iserfissanik ikkussinnginnissaq, tassani paasissutissat ilumut eqqortuunerat nalunarsinnaammat.
3
Siunnersuitinnak allakkatit atuaqqikkit
Taamaammat pingaartuuvoq allatavit nassiutinnginnerini atuaqqeqqaarnissaat, allattup ajornartorsiutini pillugu akissuteqarfiginissaa qularnaarumallugu. Allatavit nassiutinnginnerini atuaqqeqqaarnerisigut qularnaassavat sammisap allamut saattuunnginnissaa.
Aaamma allat siunnersuutaat atuaqqaarsinnaavatit, meeqqat inuusuttullu allat ikiorsernissaannut isumassarsitinneqarnissat pisariaqartikkukku.
4
Allakkat tamaasa atuartarpagut, tamaasalu pimooruttarlugit
Sunaluunniit ilinni inituguni aamma allani initusinnaassaaq. Ajornartorsiutit suugaluartulluunniit ”Immitsinnut ikioqatigiittami” annikippallaartumik eqqumiitsutullu isigineqarneq_ajorput.
Kisianni samminiakkat ilaannut atatillugu pitsaanerusinnaavoq Tusaanngami inersimasut siunnersuisartut ilaannit ikiorserneqaraanni.
Meeqqanit allanit ikioqqussagaanni, samminiakkat ilaanni akisussaaffik taakkununnga annertuallaalersinnaavoq. Imaluunniit allaaserisat meeqqat inuusuttullu allat eqqissiunnaarutigisinnaavaat annilaarutigalugilluunniit.
Ajornartorsiutit ilaat ”Immitsinnut ikioqatigiittami” saqqummiutissallugit sakkortuallaartutut nalilerneqarpat maanngaannit isumagissavarput allakkat sulisutsinnit inersimasumit siunnersuisartumit toqqartumik akineqarnissaat. Allakkat akissutaasullu nittartakkami meeqqanit allanit takuneqarsinnaassanngillat.
5
Naammagittarit
Siunnersuiguit siunnersuutivit nittartakkami takuneqarsinnaalernissaa sivisulaarsinnaavoq. Tamatumunnga pissutaavoq suulluunniit nittartakkakkut saqqummiutinnginneranni maanngaanniit atuaqqaarneqartarnerat.
Nakkutilliisutta akisussaaffigaa ”Immitsinnut ikioqatigiitta”-p toqqisisimanartuullunilu ilorrisimanartuunissaa. Aaqqissuisutta sapaatip-akunnerani allakkat toqqartarpaat, nakkutilliisuttalu isumagisarpaat akissutit tamarmik saqqummiuneqannginnerini atuaqqaarneqarnissaat.
Allagaqarsimaguit tamanna ilisimassallugu iluaqutaasinnaavoq. Eqqarsaatigalugulu sooq taama sivisutigisumik akineqannginnerit.
Siunnersuutit
Oqaasinnguinissaq ajornartikkukku allallutit misilissinnaavat, immaqa ilinnut iluaqutaasinnaavoq
misissuineq
Nittartagaq qanoq isumaqarfigaajuk?
Svar fra andre
Hej niviarsiaraq 14-inik ukiulik.
Qujanaq Ikioqatigiittamut allakkavit. Tusaanngamiit nittartagarput nutaarluinnaavoq, taamaammat meeqqat inuusuttullu akissuteqanngillat allakkannut. Tusaanngamiilli akissavatsigit.
Angajoqqaat qimakkaangata nuanniittuaannarpoq, taamaammat paasisinnaavakkit kingunerlutsitsisimaguit. Eqqaamassavalli aliasunneq ajortuunngimmat, aammalu qimannerannut illit pisuunngilatit. Angajoqqaatit oqaloqatiginikuuigit qanoq misigininnik? Ilaatigut angajoqqaat kamaakkaangamik eqqumaffiginngitsoortarpaat paasiniassallugu meeraq qaoq innersoq. Taamaammat oqarfiginissai ajornakusoortikkukku allakkiorsinnaavutit qanoq misiginerit allallugu immaqalu allakkiat tunniullugu angajoqqaannut. Ilaatigut allalluni pitsaanerpaajusarpoq ajornannginnerullunilu.
Oqaloqatissaaleqiguit Tusaannga attavigiuaannarsinnaavat sianerlutit uunga: 80 11 80 SMS-erlutit 18 99-imut imaluunniit chatterlutit http://www.youth.ung-tusaannga.symbiotisk.net -imut. Tusaanngami inersimasut oqaloqatiginninnissamut piareersimajuaannarput tusarnaallaqqissut siunnersuilluartartullu. Sianeruit akeqanngilaq, aamma kinaanerit paasinavianngilarput.
Inussiarnersumik Tusaannga
//
//