18-it inorlugit ukioqarpit, inersimasumillu ikiorneqarnissat pisariaqartillugu?
Najorti tassaavoq inersimasoq meeqqanik inuusuttunillu artorsaateqartunik ikiuisartoq. Najortip kommunimi, atuarfimmi, meeqqat angerlarsimaffianni politiinilluunniit oqaloqateqassaguit ikiorsinnaavaatit.
Najortimut akeqanngitsumik sianersinnaavutit normumut uunga: 29 00 28.
Najorti sulerisarpa?
Najorti tassaavoq illinnut tapersersuisinnaasoq aamma:
- Ilinnut ajunnginnerpaaq anguniarlugu ikiussavaatit.
- Suliat ilinnut tunngasut eqqortumik suliarineqarnissaat sulissutigissavaa.
- Kommunimi, atuarfimmi, meeqqat angerlarsimaffianni, politiinilluunniit oqaloqateqassaguit ikiorniarlutit ilagisinnaavaatit.
- Illit kissaatitit malillugit aalajangiisoqarnissaa sulissutigissavaa.
- Qanoq pisoqarnerata paasilluarnissaanik ikiorsinnaavatit.
- Pisariaqartitavit oqaasinngornissaanik ikiorsinnaavaatit.
Najortip illit kissaativit pisariaqartitavillu tusarneqarnissaat sulissutigissavaa.
Eqqaamasassat:
- Najortip illit pillutit kommuni, politiit imaluunniit allat aalajagiinissaat aalajangersinnaanngilaa.
- Ulorianartorsioruit ilinnulluunniit ajoquseruit Najortip ikiorneqarnissat qulakkeerniarlugu kommuni imaluunniit politiit paasitissinnaavai.
Kikkut Najorti-qarsinnaappat?
Najorti-qarsinnaavutit:
- Angerlarsimaffissinni toqqissisimanngikkuit
- Misigisimaguit inersimasut ikiunngikkaatsit
- Kommunimi oqaloqateqassaguit
- Pisut ilinnut tunnganut ingerlannissaannut imaluunniit paasilluarnissaannut ikiorneqarusukkuit.
Qanoq iliorlunga Najorti-mik pissarsisinnaavunga?
Najorti-mik pissarserusukkuit normumut 290028-mut sianersinnaavutit imaluunniit ataani tuugassaq tooriarlugu messenger-ikkut allallutit. Aamma inersimasup tatigisavit imaluunniit Tusaanngap Najortimik pissarsinissannik ikiorsinnaavaatit.
Tusaanngamut 801180-mut sianersinnaavutit SMS-erlutilluunniit 1899-mut. Aamma maani chatikkut allaffigisinnaavatsigut.
misissuineq
Nittartagaq qanoq isumaqarfigaajuk?
