Uanga Nammineq ilaanni maajugilertarpunga salunaartarpunga qanoq qaangersinnaavara? Imminut pinniigineq
Hej niviarsiaraq 14-inik ukiulik. Qujanaq allagarnut. Ajuusaarpugullu imminunnguaq taamak isigigavit. Maanna inuusuttuarannguanngorputit, naliginnaavorlu taamak ukioqarluni imminut apeqqusersorneq pilersartoq. Immaqa makku eqqarsaatit: “Imaannerussangaluarama, sooruna taamaattunga, timiga nuannarinngilara” allarpassuillu. Immaqa aamma allanut sanillersuunneq atoqqajaanarsinnaasarpoq. Eqqaamassavalli inuit tamatta assigiinngitsuuvugut, eqqarsariaatsitigut isikkutsigut pissusitsigullu. Tamatta immikkuullarissuseqarpugut, kusanassuseqarpugut, pinnissuseqarpugut aammalu naleqarpugut tamatta. Imminut nuannariunnaaraangavit sapinngisamik imminut eqqaasittassaatit kusanarlutit, pinnerlutit naleqarlutillu. Pingaaruteqarpormi imminut nuannarinissaq, kusaginissaq naleqartinnissarlu. Aammalu eqqaamassavat suli ineriartorputit, taamaammat inuusuttuaraaninnguit nuannersunut atorluarnissaa pingaaruteqarpoq. Eqqarsaatit taamaattut aqukkuminaatsileraangakkit Tusaannga attavigisinnaajuaannarpat, 801180-imut sianerlutit, 1899-imut sms-erlutit imaluunniit nittartakkakkut http://www.youth.ung-tusaannga.symbiotisk.net – ikkut chatterlutit. Aamma nittartakkatsinni siunnersuutinik atuarsinnaavutit una iserfigalugu: Timi isikkorlu – Tusaannga Inussiarnersumik Tusaannga
Δ
Tusaanngamut sianerit normu una atorlugu: 80 11 80
Ring til Tusaannga på nummer 801180.
Tusaanngamut SMS-erit normu una atorlugu: 1899
Send SMS til Tusaannga på nummer 1899.
Kodenik marlunnik toqqaasimaguit, ullualuit qaangiunnerani allakkiat kode atorlugu akissutisisimanerlutit takusinnaavat.
Meeqqat