Tusaannga sunaava?
Pisariaqartitatit annertuppata annikippataluunniit Tusaanngami siunnersuisut ullut tamaasa, ukioq kaajallallugu tusarnaarnissannut siunnersornissannullu piareersimasarput.
Tusaanngap illit tapersersorusuppaatit
- Siunnersorneqarusukkuit
- Saammarsarneqarusukkuit
- Imaluunniit ilinnut tusarnaarusuttumik oqaloqateqarusukkuit
Tusaannga saaffigisinnaavat oqaluussaqarnissannik pisariaqartitsiguit. Aaliangersimasumik ajornartorsiuteqartariaqanngilatit Tusaannga saaffiginissaanut.
SmS
Chat
Sianerit
IKIOQATIGIITTA
Tusaannga pillugu annertunerusumik paasissutissat
Qaqagukkulluunniit Tusaanngamut sianersinnaavutit allallutilluunniit. Unnuaangaluarpat, ullorsiorfinni aamma ammajuaannarpugut.
Ilaannikkut sianertut allattullu amerlasinnaammata utaqqinalaarsinnaavoq.
Tusaanngami siunnersuisut oqaluussinnaasatit allaqatigisinnaasatillu inersimasuupput inuusuttunik inersimasunillu oqaloqateqarnermik misilittagallit.
Taamaattumik siunnersuisut tusarnaarnissat apeqqutinillu aperilaartarnissat pikkoriffigivaat.
Siunnersuisut tamarmik kinaassusaat isertuussaavoq, soorlu aamma illit kinaassutsit isertuussaasoq. Tamanna isumaqarpoq siunnersuisut oqaloqatigiinnissinni atitik taasinnaanngilaat.
Aamma Tusaanngap nittartagaani inuusoqatinnik siunnersorneqarsinnaavutit. Ikioqatigiitta iserfigeriarlugu allakkamik nassiussisinnaavutit inuusoqatinniillu siunnersorneqarlutit. Ikioqatigiitta pillugu una toorlugu paasisaqarnerusinnaavutit.
Tusaanngamut sianeruit, SMS-eruit imaluunniit chat-eruit kinaanerit normullu takusinnaanngilarput. Illit nammineerlutit aaliangersinnaavat atit imaluunniit allat kinaassutsinnut tunngasut paasitikkusunnerlugit.
Nipagiussisussaatitaaneq isumaqarpoq, Tusaanngami oqaluussimasatit allaffigisimasatilluunniit illit eqqartukkatit pillugit kimulluunniit ingerlateqqissinnaanngilaat. Tusaanngami eqqartorsimasatit isertuunneqarput.
18-it inorlugit ukioqaruit Tusaanngami siunnersuisut nalunaartussaatitaaffeqarput. Nalunaartussaatitaaneq isumaqarpoq, siunnersuisut illit peqqissutinnut annertuumik ernumassuteqarunik, assersuutigalugu:
- annersarneqarsimaguit imaluunniit kannguttaattuliorfigitissimaguit
- imminut toqunnissamik eqqarsaateqaruit imaluunniit nammineerlutik ajuqusernissamut ilimanaateqaruit
- angerlarsimaffinni pisariaqartumik isumassorneqanngikkuit
- angajoqqaavit paarsisuilluunniit imigassartorpallaarsimallutik imaluunniit allanik atornerluinerisa sunnersimagunitsit.
Taava siunnersuisut kommunemut saaffiginnittussaapput illit ikiorniarlutit – nipangiussisussaatitaangaluarlutilluunniit. Illit nammineq aaliagissavat kinaassutsivit paasitinnissaa piareersimaffiginerlugu.
Tusaanngap inuusuttorpassuit (18-it inorlugit ukiullit) angerlarsimaffimminni toqqissisimanngitsut ikiortarpai. Kommunimiit ikiorneqarusukkuit pisariaqarpoq kinaanerit oqaatigissaa.
Illit nammineq aaliangissavat kinaanerit paasitikkusunnerlugu. Kinaassutsit tunniukkukku Tusaannga kommunimut nalunaassaaq ikiorneqaqqullutit. Taanna taasarpaat nalunaarutiginninneq.
18-it inorlugit ukioqaruit kommuneminngaanniillu oqaluussaqassaguit, inersimasumik “Najorti”-mik ilagineqarsinnaavutit.
“Najorti” tassaavoq inersimasoq, illit kommunemut attaveqarnissannut ikiuuttussaq aamma kommunimukassaguit “Najorti”-p ilagisarsinnaavaatit.
“Najorti” pillugu paasisaqarnerorusukkuit www.najorti.gl -kkut paasisaqarnerusinnaavutit imaluunniit 290028-mut sianerlutit (akeqanngilaq). Tusaanngap aamma “Najorti”-mut attaveqarnissannik ikiorsinnaavaatit.
Paasissutissatit pitsaasumik illersorpavut
Politikkikkut matumuuna nassuiarneqarpoq qanoq iliorluta paasissutissat ilinnut tunngasut pissuseqarfigisarnerigut illersortarnerigullu aamma saaffiginittarfigisatsinni cookies-it qanoq atortarnnerigut.