Asannilertoornera aliasiitigikuloorakku tatsigisaqarpiarnangalu qanoq iliorsinnaavunga?
Asannilertoorpunga
Brev
Niviarsiaraq, 14-nik
Ikioqatigiittami malittarisassat
1
Imminut paarilluarit – paasissutissanik ilinnut tunngasunik allaqinak
Ukuusinnaapput: ateq, kinguliaq, ateruseq (ulluinnarni taaguutigisaq), oqarasuaatip normua, inuttut attaveqaatinut linki, e-mail il.il. (Allaffissami emailit allassinnaavat, allakkannut akissuteqartoqartillugu nalunaarfiginneqartarnissat kissaatigigukku. Allaffissami tassaniittut isertugaapput, uagullu e-mailit takusinnaanngilarput.)
Maluginiaruk allatanni paasissutissat ilinnut tunngasinnaasut amerlavallaat ilanngutissannginnakkit, tassuunakkut kinaanerit paasineqaqqunagu.
”Immitsinnut ikioqatigiitta” inuttut ataasiakkaatut attaveqatigiiffiunngilaq, assersuutigalugu naapeqatigiinnissamik isumaqatigiiffiusinnaanngilaq – toqqartumik naapinniarnermi imalluunniit inuttut attaveqaatikkut naaperiaaffiunngimmat.
2
Ilissinnut paareqatigiigitsi
”Immitsinnut ikioqatigiitta” nuannersuullunilu toqqissisimanartuussaaq. Internetikkut allataqaraanni ilaanni puigoqqajaanarsinnaavoq, allatat inunnut allanut atuartussanut sakkortusinnaammata – naak tamanna immaqa siunertaanngikkaluartorluunniit.
Pingaartuuvoq:
– Kusanartunik imminullu ataqqilluni allaqatigiinnissaq
– Naveersinnginnissaq, quiassuaatiginninginnissaq, qunusaarinnginnissaq il.il.
– Allakkat atuartussamit allatut paasineqarsinnaaneri ajuallaatigineqarsinnaanerilu eqqarsaatigilluarnissaat
– Nittartakkanut allanut iserfissanik ikkussinnginnissaq, tassani paasissutissat ilumut eqqortuunerat nalunarsinnaammat.
3
Siunnersuitinnak allakkatit atuaqqikkit
Taamaammat pingaartuuvoq allatavit nassiutinnginnerini atuaqqeqqaarnissaat, allattup ajornartorsiutini pillugu akissuteqarfiginissaa qularnaarumallugu. Allatavit nassiutinnginnerini atuaqqeqqaarnerisigut qularnaassavat sammisap allamut saattuunnginnissaa.
Aaamma allat siunnersuutaat atuaqqaarsinnaavatit, meeqqat inuusuttullu allat ikiorsernissaannut isumassarsitinneqarnissat pisariaqartikkukku.
4
Allakkat tamaasa atuartarpagut, tamaasalu pimooruttarlugit
Sunaluunniit ilinni inituguni aamma allani initusinnaassaaq. Ajornartorsiutit suugaluartulluunniit ”Immitsinnut ikioqatigiittami” annikippallaartumik eqqumiitsutullu isigineqarneq_ajorput.
Kisianni samminiakkat ilaannut atatillugu pitsaanerusinnaavoq Tusaanngami inersimasut siunnersuisartut ilaannit ikiorserneqaraanni.
Meeqqanit allanit ikioqqussagaanni, samminiakkat ilaanni akisussaaffik taakkununnga annertuallaalersinnaavoq. Imaluunniit allaaserisat meeqqat inuusuttullu allat eqqissiunnaarutigisinnaavaat annilaarutigalugilluunniit.
Ajornartorsiutit ilaat ”Immitsinnut ikioqatigiittami” saqqummiutissallugit sakkortuallaartutut nalilerneqarpat maanngaannit isumagissavarput allakkat sulisutsinnit inersimasumit siunnersuisartumit toqqartumik akineqarnissaat. Allakkat akissutaasullu nittartakkami meeqqanit allanit takuneqarsinnaassanngillat.
5
Naammagittarit
Siunnersuiguit siunnersuutivit nittartakkami takuneqarsinnaalernissaa sivisulaarsinnaavoq. Tamatumunnga pissutaavoq suulluunniit nittartakkakkut saqqummiutinnginneranni maanngaanniit atuaqqaarneqartarnerat.
Nakkutilliisutta akisussaaffigaa ”Immitsinnut ikioqatigiitta”-p toqqisisimanartuullunilu ilorrisimanartuunissaa. Aaqqissuisutta sapaatip-akunnerani allakkat toqqartarpaat, nakkutilliisuttalu isumagisarpaat akissutit tamarmik saqqummiuneqannginnerini atuaqqaarneqarnissaat.
Allagaqarsimaguit tamanna ilisimassallugu iluaqutaasinnaavoq. Eqqarsaatigalugulu sooq taama sivisutigisumik akineqannginnerit.
Siunnersuutit
Oqaasinnguinissaq ajornartikkukku allallutit misilissinnaavat, immaqa ilinnut iluaqutaasinnaavoq
misissuineq
Nittartagaq qanoq isumaqarfigaajuk?
Svar fra andre
Hej niviarsiaraq 14-inik ukiulik.
Qujanaq ikioqatigiittamut allakkavit. Tusaanngami nittartagarput nutaarluinnaavoq, taamaammat meeqqat inuusuutuniillu suli akissuteqartoqanngilaq. Tusaanngamiit akissavatsigit.
Asannilersoorluni nalorsarnarsinnaasarpoq, aammalu misigissutsit paasiuminaassinnaasarlutik. Taamaammallu tatigisamik oqaluttuukkusutamik nassaarnissaq ajornakusoorsinnaasarpoq. Eqqaamassavalli asannilerneq nuannersoqarlunilu nuanniitsoqarsinnaasarpoq, tamannalu naliginnaaqqissaarpoq.
Asanninneq asannilersoornerlu pillugit paasisaqarnerorusukkuit nittartagarput iserfigisinnaavat uani: https://inuusuttut.symbiotisk.net/kl-gl/kaerlighed/
Oqaloqatissaaleqiguillu Tusaannga attavigisinnaajuaannarpat uunga sianerlutit 80 11 80, SMS 18 99 imaluunniit chatterlutit http://www.youth.ung-tusaannga.symbiotisk.net iserfigalugu. Sianerneq akeqanngilaq kinaanerillu paasinavianngilarput. Tusaanngami siunnersuisartut piareersimajuaannarput, tusarnaallaqqissuupput aammalu siunnersuillaqqillutik.
Inussiarnersumik Tusaannga
//
//