Hej efterskole’ernissamik eqqarsaatersuuteqaleruttorfiup nalaaniilernikuugama,aappaagu 2026’imi soraarummeertussaagatta taavalu angajoqqaakka siunnersuuteqarusunnginnamik ilissi siunnersuuteqarsinnaavisi? Niviarsiaraavunga ittuutulaarsinnaasoq ?
Meeqqat atuarfianni naammassereernerup kingorna ingerlaqqinnissamut siunnersorneqarusunneq
Brev
Niviarsiaraq, 14-nik
Ikioqatigiittami malittarisassat
1
Imminut paarilluarit – paasissutissanik ilinnut tunngasunik allaqinak
Ukuusinnaapput: ateq, kinguliaq, ateruseq (ulluinnarni taaguutigisaq), oqarasuaatip normua, inuttut attaveqaatinut linki, e-mail il.il. (Allaffissami emailit allassinnaavat, allakkannut akissuteqartoqartillugu nalunaarfiginneqartarnissat kissaatigigukku. Allaffissami tassaniittut isertugaapput, uagullu e-mailit takusinnaanngilarput.)
Maluginiaruk allatanni paasissutissat ilinnut tunngasinnaasut amerlavallaat ilanngutissannginnakkit, tassuunakkut kinaanerit paasineqaqqunagu.
”Immitsinnut ikioqatigiitta” inuttut ataasiakkaatut attaveqatigiiffiunngilaq, assersuutigalugu naapeqatigiinnissamik isumaqatigiiffiusinnaanngilaq – toqqartumik naapinniarnermi imalluunniit inuttut attaveqaatikkut naaperiaaffiunngimmat.
2
Ilissinnut paareqatigiigitsi
”Immitsinnut ikioqatigiitta” nuannersuullunilu toqqissisimanartuussaaq. Internetikkut allataqaraanni ilaanni puigoqqajaanarsinnaavoq, allatat inunnut allanut atuartussanut sakkortusinnaammata – naak tamanna immaqa siunertaanngikkaluartorluunniit.
Pingaartuuvoq:
– Kusanartunik imminullu ataqqilluni allaqatigiinnissaq
– Naveersinnginnissaq, quiassuaatiginninginnissaq, qunusaarinnginnissaq il.il.
– Allakkat atuartussamit allatut paasineqarsinnaaneri ajuallaatigineqarsinnaanerilu eqqarsaatigilluarnissaat
– Nittartakkanut allanut iserfissanik ikkussinnginnissaq, tassani paasissutissat ilumut eqqortuunerat nalunarsinnaammat.
3
Siunnersuitinnak allakkatit atuaqqikkit
Taamaammat pingaartuuvoq allatavit nassiutinnginnerini atuaqqeqqaarnissaat, allattup ajornartorsiutini pillugu akissuteqarfiginissaa qularnaarumallugu. Allatavit nassiutinnginnerini atuaqqeqqaarnerisigut qularnaassavat sammisap allamut saattuunnginnissaa.
Aaamma allat siunnersuutaat atuaqqaarsinnaavatit, meeqqat inuusuttullu allat ikiorsernissaannut isumassarsitinneqarnissat pisariaqartikkukku.
4
Allakkat tamaasa atuartarpagut, tamaasalu pimooruttarlugit
Sunaluunniit ilinni inituguni aamma allani initusinnaassaaq. Ajornartorsiutit suugaluartulluunniit ”Immitsinnut ikioqatigiittami” annikippallaartumik eqqumiitsutullu isigineqarneq_ajorput.
Kisianni samminiakkat ilaannut atatillugu pitsaanerusinnaavoq Tusaanngami inersimasut siunnersuisartut ilaannit ikiorserneqaraanni.
Meeqqanit allanit ikioqqussagaanni, samminiakkat ilaanni akisussaaffik taakkununnga annertuallaalersinnaavoq. Imaluunniit allaaserisat meeqqat inuusuttullu allat eqqissiunnaarutigisinnaavaat annilaarutigalugilluunniit.
Ajornartorsiutit ilaat ”Immitsinnut ikioqatigiittami” saqqummiutissallugit sakkortuallaartutut nalilerneqarpat maanngaannit isumagissavarput allakkat sulisutsinnit inersimasumit siunnersuisartumit toqqartumik akineqarnissaat. Allakkat akissutaasullu nittartakkami meeqqanit allanit takuneqarsinnaassanngillat.
5
Naammagittarit
Siunnersuiguit siunnersuutivit nittartakkami takuneqarsinnaalernissaa sivisulaarsinnaavoq. Tamatumunnga pissutaavoq suulluunniit nittartakkakkut saqqummiutinnginneranni maanngaanniit atuaqqaarneqartarnerat.
Nakkutilliisutta akisussaaffigaa ”Immitsinnut ikioqatigiitta”-p toqqisisimanartuullunilu ilorrisimanartuunissaa. Aaqqissuisutta sapaatip-akunnerani allakkat toqqartarpaat, nakkutilliisuttalu isumagisarpaat akissutit tamarmik saqqummiuneqannginnerini atuaqqaarneqarnissaat.
Allagaqarsimaguit tamanna ilisimassallugu iluaqutaasinnaavoq. Eqqarsaatigalugulu sooq taama sivisutigisumik akineqannginnerit.
Siunnersuutit
Oqaasinnguinissaq ajornartikkukku allallutit misilissinnaavat, immaqa ilinnut iluaqutaasinnaavoq
misissuineq
Nittartagaq qanoq isumaqarfigaajuk?
Svar fra andre
Qujanaq allagarnut. Aajunaararsuanngorpoq meeqqat atuarfiat naammassinissaanut, qanoq pissangaq nuannerunaq. Nalornissutigigukkulu sumut ingerlariaqqikkusunnerlutit, immaqa aperilaarsinnaavugut suna nuannerunartippiuk aammalu suna sinnattoraajuk angorusullugu?
Immaqa oqaluttuutilaarsinnaavatsigit ilinniarfiit pillugit. Efterskoleqarpoq nunatsinni, aammalu danmarkimi. Efterskolemi sorpassuit ilinniarneqarsinnaapput, maannamiillu misissulereersinnaavatit. Namminiileriartornissamut assut ilinniutaasarpoq. Eqqaarusupparpullu siullertut atuarfiup aqqutissiuussisua attaveqarfigigukku pitsaanerpaajuvoq.
AFS/EF – nuna tamakkerlugu nammineq apeqqutaalluni sumiikkusunnerluni aallartoqarsinnaavoq ilinniariartorluni. Tassani oqaatsit ilinniarneqartarput saniatigut atuarneq ingerlanneqartarluni. AFS Interkultur | Danmarks ældste og største udvekslingsorganisation
GU – meeqqat atuarfiat naammassigukku GU-mut qinnuteqarsinnaavutit. Tassani ilinniakkanut qaffasinnerusunut ingerlariaqqinnissannut ilinniassaatit. GUX nuuk, GUX Aasiaat, Campus Kujalleq nittartagai alakkarsinnaavatit.
NI/Flex – Niuernermik ilinniarfik inuussutissarsiornikkut assigiinngitsorpassuarnik neqerooruteqarpoq. Uanilu alakkarsinnaavatit: Uddannelser – Greenland Business School
Neriuppugut nalornissutigisannut siunnersuutigut iluaqutaalaarsinnaasut. Sulili nalorniguit Tusaannga attavigisinnaavat sianerlutit 801180-imut, sms-erlutit 1899-imut imaluunniit nittartakkatsigut http://www.youth.ung-tusaannga.symbiotisk.net -ikkut chatterlutit.
Inussiarnersumik Tusaannga
//
//